...subok lang...

kanina pa akong nag-iisip
gusto kong magsulat
subalit hindi ko alam kung paano magsisimula
gusto kong magsulat
ngunit kalat-kalat ang napakaraming ideya
maraming bagay ang gumugulo sa aking isipan
sa pagsusulat nasasabi ko ang laman ng aking puso
pero ibang paraan naman ang gusto ko
malayang taludturan
walang sukat
walang bilang
hindi magkakatugma
katulad nating dalawa..

...kaliwali...

ilang buwan na din na tayo'y magkakilala
madalas nagbibiruan at laging magkahunta
sa kalokohan tayoy magkasangga
kaya naman buong tiwala sa iyoy ibinigay na...


nakakalungkot na hindi naman pala totoo
ang lahat ng sa akin ay ipinakita mo
akala ko pa naman ay magkaibigan tayo
kahit na dito lamang sa peysbuk nagkatagpo...


sana ay masaya ka sa lahat ng ginawa
sa paglalaro mo sa aking tiwala
gusto ko lang sabihin sa yo ng taas-noo
na yung totoong ako ang nakilala mo...


ngayon ay tapos na ang 'yong pagbabalat-kayo
kahit ilang libo pa ang maging paliwanag mo
sarado na ang mga tenga ko
at tinatapos ko na ang palabas na ito.

(31 august 2010)

MAHAL KITA!!!MAHAL KITA!!!MAHAL KITA!!!

Mahal kita!!!mahal kita!!!mahal kita!!!
kung bakit ay hindi ko alam
kung paano ay hindi ko mabatid
kung gaano ay di ko masukat..

ang tanging alam ko ay mahal kita
kahit akoy tulog o gising ang diwa
basta mahal kita
wag ka ng magtanong pa...

mahal kita
hanggat kayaikaw ay ipaglalaban
kahit ano pa ang sabihin ng karamihan
tanging ikaw lamang ang aking pakikinggan...

mahal kita

mahal kita

mahal kita

mahal kita

kapag sinabi kong mahal kita ay mahal kita
kahit pa sino ang sa atin ay humadlang
basta akoy nasa tabi mo lang
at hindi kita iiwan...

mahal kita
ikaw ang aking inspirasyon
ikaw ang laman ng aking pangarap
ikaw ang kasama ko sa reyalidad

mahal kita
sa lahat yan ay ipagsisigawan
kung sa akin ay may magtatanong
kung ano ang kahulugan ng salitang pag-ibig
akoy hindi na magdadalawang-isip
pangalan mo ang aking isasatinig.

(27 august 2010)

=broken-hearted me=

hindi ko alam kung paano muling magsisimula
paano ko haharapin ang buhay ngayong wala ka na
hindi ko alam kung tama ba itong aking ginawa
ang ikaw ay iwan kahit tayoy nagmamahalan pa...


masakit man sa akin ang sa iyoy magpaalam
ngunit ito lamang ang tanging alam kong paraan
ayaw kong dumating ang panahon na kapwa masaktan
kaya habang maaga pa pinuputol ko na ang ating ugnayan...


mahal kita yan ang lagi mong tatandaan
minahal kita kahit alam kong akoy masasaktan
pagmamahal ko sa iyoy walang sukatan
kaya itong desisyon ko sanay iyong maunawaan...


salamat sa pag-ibig na sa akin ay ibinigay
salamat sa pagtyatyaga sa kakulitan kong taglay
salamat sa pag-amo sa tuwing akoy nagtatampo
salamat sa pagsuyo sa bawat pagseselos ko...


marahil sa ngayon ikaw ay aking nasaktan
alam kong darating ang panahon itoy maiintindihan
itong aking ginawa ay iyo pang pasasalamatan
sapagkat sa pagdedesisyon hindi ka na mahihirapan...


kung darating ang panahon na landas natiy muling magtatagpo
hiling ko na sana pagkakaibigan ay muling mabuo
hindi pa siguro sa ngayon pagkat puso koy nagdurugo
marahil sa dako pa roon kapag sakit nitong damdami'y naglaho...



(23 august 2010)

Padre Damaso

Kaninang umaga, gising ko ay kay ganda
Ngiti sa aking labi ay talaga namang kay-igaya
Magaang damdamin ay aking daladala
At kay aliwalas nitong aking mukha.


Subalit ang lahat ay dagling nagbago
Ng tinig mo ay narinig at ikaw ay iniluwa nitong pinto
Mundo ko'y biglang nagkaroon ng gyera at sigalot
At ang maaliwalas na mukha'y napalitan ng simangot.


Ang aking dibdib ay tunay na nagpupuyos,
Sa galit, sa pagkamuhi at pagkasuklam na lubos
Talaga namang ikaw sa bait ko ay matinding pagsubok
Na kailangan ng sangkaterbang panalangin
bago mapalipas ang matinding pagkayamot.


Gustuhin ko man na ikaw ay patulan
Kailangan kong magpigil dahil baka ako'y biglang umuwing talunan
Alam kong sa iyo wala akong kalaban-laban
Kaya't sa panitik na lang ikaw ay aking babanatan.

...level up...

doon sa ilb
ako ay nakakilala
ng mga taong nakasama sa lungkot at saya
araw-araw sa net kausap sila
hanggang sa naging malapit na sa isa't isa..

hindi ko akalain na akoy makakakita
ng mga kaibigang makakaramay sa tuwina..
hindi ko akalaing doon ay liligaya
at magkakaroon ng totoong pamilya..

aming pagkakaibigan
ngayoy ibang level na
mga tinig ay narinig
maging mga halakhak nila
para namang musika sa aking tenga..

sa aking ateng emotera nay ukitera pa
sa aking inay na talaga namang pilya
sa tita red kong maganda na kay sarap tumawa
akoy masayang-masaya
pagkat kayoy nakausap na..

kagaya ng aking sabi sa inay olive kong marikit
sya pala ay totoong tao at hindi isang alien na mabagsik
ng ang boses ni tita red at ate liezel ay narinig
aking napagtantong totoo ang ating frendship..

kaya naman sa Poong Lumikha
taos puso ang aking pasasalamat
pagkat sa buhay ko kanyang ipinagkaloob
mga bagong kaibigang walang katumbas na saya ang dulot

sa inyo pong tatlo na aking nakausap
gusto ko pong malaman nyo na akoy labis na nagagalak
pagkakaibigan natiy walang makakatumbas
mahal ko po kayo yan ay hindi na kukupas..


(09 august 2010)

...iloveu goodbye...

bakit ba ganito ang aking nararamdaman?
akoy nalulungkot at di ko maintindihan
boses mo ay hinahanap subalit di naman matagpuan
puso koy nangungulila, nasan kaya ang minamahal?

kay hirap talaga ng walang kasiguruhan
ano ka sa buhay nya, ni hindi mo alam
sapat na bang marinig ang "Mahal kita" sa kanyang bibig
upang mapanatag ang damdamin kong naliligalig.

sana ay malaman mong ikay aking mahal
kahit na nahuli man ang dating ko sa iyong buhay
mahal kita kahit alam kong akoy walang hinihintay
sapat na ang marinig na ako ri'y iyong minamahal.

may mga pagmamahal siguro na talagang may hangganan
at marahil ang sa atin ay ngayon na ang katapusan
palalayain kita pagkat ayaw ko ng masaktan
dahil sa bandang huli ako pa rin ang talunan.

siguro ay sasabihin mong akoy madamot at duwag
pagkat pagmamahal koy di magawang ipagsigawan sa lahat
subalit iwan ka ang tanging alam na paraan
ayaw kong makasakit ng iba dahil minsan na ring ako'y nasaktan.

kaya paalam na sa iyo aking mahal
salamat sa pagmamahal na sa akiy inialay
salamat sa pagtatyaga at pang-unawa na sa aki'y ibinigay
mahal kita kaya akoy magpaparaya, yan ang lagi mong tatandaan.


(07 august 2010)

???question mark???

hindi ko alam kung saan at paano nagsimula
na ang puso ko sa iyo ay mangulila
saan man ibaling yaring mga mata
mukha mo ang siyang palaging nakikita...

nasaan na ba ang iyong mga pangako
na palaging sambit noong akoy sinusuyo
bakit tila ang lahat ay biglang naglaho
sa yo yata ang pag-ibig ay isa lamang laro...

hindi ko alam kung dapat pa bang akoy maghintay
at iniwan mong pagmamahal ay aking panghawakan
hindi ko alam kung ito ba ay may patutunguhan
o nararapat na bang ika'y aking kalimutan...

pangalan ko pa rin kaya ang iyong sinasambit
kasama pa kaya ako sa iyong mga panaginip
ako pa rin kaya ang lagi mong naiisip
sa puso mo kaya ako pa rin ang syang nakaukit???

sana ang mga tanong ko ay mabigyang kasagutan
at ng ako naman ay hindi na maguluhan
kung ang puso mo'y may iba ng nilalaman
sabihin mo lang at ang lahat ay aking mauunawaan...


(25 july 2010)

silent majority

ano ang pumupigil
para ikay magsalita
marahil ikaw sa kanilang lahat ay nahihiya
o baka naman natatakot na ikaw ay makutya...

sapat na ba ang magmasid
at manahimik sa isang tabi
kahit na ang nasa iyong paligid
ay kagulo ng parati...

paano kung tinig mo na lang ang hinihintay
paanong ang opinyon moy mabibigyang saysay
ayaw umimik at laway ay pinanghihinayangan
ano ang problema at ika'y natitigilan...

bakit hindi isigaw ang nilalaman ng isipan
kung gusto ay pabulong ayos din naman
ang mahalaga'y marinig ang iyong tinig
baka ang hinahanap na sagot ay nasa yong mga bibig...


(25 july 2010)

==estranghero==

Sino kang basta na lamang kumatok sa aking pintuan
Nakipagkilala at nakipagkaibigan
Sino kang nangangako na ako’y hindi sasaktan
Gayong tayo naman ay di magkakilalang lubusan.

Paano kayang ikaw ay pagtitiwalaan?
Paano kayang mga salita mo’y aking panghahawakan?
Paano kayang mga pangako moy paniniwalaan?
Paano kaya tanong nitong puso ko’t isipan…

Gustuhin ko man na ikaw ay pakinggan
At hiling mo ay aking pagbigyan
Kulang pa ang panahon na ating pinagsamahan
Estranghero ka pa rin na aking matuturingan.


(14 july 2010)

para sa yo to bestfrend!!!

Nang una kitang makilala
Ako’y sadyang nairita
Kadaldalan mo ay sobra
Ang lakas mo pang tumawa..

Ni wala sa aking hinagap
Na tayoy magiging magkaibigan
Pagkat sa aking pagkakaalam
Ang lahat sa atin ay kabaligtaran..

Ako ang mabait, ikaw ang maldita
Ako ang tahimik, ikaw ang madada
Ako ang pirmi sa bahay, ikaw ang lakwatsera
Ako ang mahinhin at ikaw ang pa-charming..

Hindi ko alam kung saan at kailan nagsimula
Kung paano at bakit nagkasundo tayong dalawa
Subalit ang lahat ay hindi na mahalaga
Bastat ikaw ang bestfrend ko, walang mag-iiba..

Maraming tawa na ang ating pinagsaluhan
Maraming luha na ang ating pinagsamahan
Maraming pagsubok na ang ating nalampasan
At thank you kay Lord sa lahat ng yan..

Kung ako ay muling mabubuhay dito sa mundong ibabaw
Ikaw pa rin ang pipiliin kong maging matalik na kaibigan
Pagkat wala na akong hahanapin pa maging sa seryoso o kalokohan
Ako’y kilala mo na mula ulo hanggang talampakan..

Very thankful ako at ikaw ay nandyan
Sa lahat ng sandali aking nasasandalan
Kahit madalas na taliwas ang ating paniniwala at kaisipan
Sa bandang huli ang lahat ay ating naiintindihan..

At kung dadating ang panahon na tayoy tumanda
At sa iyo ay walang handang mag-alaga
Narito lamang ako palagi sa iyong tabi
At hindi ka iiwan ano man ang mangyari.


I Love You Bestfrend…
thank you for catching me everytime I fall..
thank you for loving me despite my weaknesses..
thank you for listening to my nonsense speeches..
thank you for laughing and crying with me..
thank you for always being there for me..



happy birthday!!!iloveu.

kahapon

Kahapon, nakita kita, kasama mo siya
Nakangiti ka ngunit tila ba may lungkot ang mga mata
Gusto kong itanong kung masaya ka bang talaga
Oh nagkukunwari lang sa piling niya.

Kahapon, nakita ko ang ating nakaraan
Masaya at puno ng pagmamahalan
Ito ba talaga ang siyang nararapat?
Ang tayong dalawa ay maghiwalay ng landas.

Ako kaya ay tuluyang nalimot mo na
Kasama ang lahat ng ating alaala
Marahil ay sadyang ito ang nakatakda
Ikaw at ako ay di para sa isa’t isa.

Hangad ko ang kasiyahan mo sa piling nila
Ako man sa ngayon ay may sariling buhay na
Kung sakaling bukas tayo ay muling magkikita
Sana ay pareho na tayong maligaya.


(13 january 2010)

Dakila ka INA

Siyam na buwan ang iyong pinagdaanan
Bago iluwal sa mundo ang isang nilalang
Ikaw ang kanyang naging unang guro
At ang mabubuting bagay ikaw ang unang nagturo.

Dakila ka Ina, pag-ibig mo'y walang kapara
Buhay man ay ibibigay, sa anak na sinisinta
Hindi naghahangad ng anumang kapalit
Kabutihan ng anak ang laging nasa isip.

Kaya naman ang lahat sa iyo ay nagpupugay
At pasasalamat sa iyo ang alay
Wala kang katulad, sa mundong ibabaw
Kadakilaan mo'y walang makapapantay


(05 may 2010)